მომსახურების პირობები

1. მომსახურების მიმწოდებელი

2. ვის ემსახურება Kontroli

Kontroli არის B2B პროგრამული მომსახურება. Workspace-ის შემქმნელი ადასტურებს, რომ უფლებამოსილია იმოქმედოს შესაბამისი კომპანიის ან ორგანიზაციის სახელით და მიაწოდოს მისი საიდენტიფიკაციო ინფორმაცია.

მომხმარებელი ვალდებულია ანგარიშის მონაცემები იყოს ზუსტი, შეინარჩუნოს ავტორიზაციის საშუალებების კონფიდენციალურობა და დაუყოვნებლივ შეგვატყობინოს უნებართვო წვდომის ეჭვის შესახებ.

3. მომსახურება

Kontroli შეიძლება მოიცავდეს დოკუმენტების კერძო შენახვას, ვადებისა და ვალდებულებების მართვას, AI-დახმარებით დოკუმენტის ანალიზს, კალენდარს, Email/Telegram შეტყობინებებს, ელექტრონული ხელმოწერის პროცესს, გადახდებს და სხვა დაკავშირებულ ფუნქციებს.

ფუნქციები შეიძლება შეიცვალოს უსაფრთხოების, ხარისხის, სამართლებრივი მოთხოვნების ან პროდუქტის განვითარების გამო. არსებითი უარყოფითი ცვლილების შემთხვევაში მოქმედ მომხმარებლებს გონივრულად წინასწარ ვაცნობებთ, როცა ეს პრაქტიკულად შესაძლებელია.

4. გეგმები, ფასები და გადახდა

მიმდინარე გეგმები, მათი ლარში გამოხატული ფასები და თითოეული გეგმის ლიმიტები გამოქვეყნებულია ფასების გვერდზე. Checkout-ზე ნაჩვენები თანხა ყოველთვის შეესაბამება არჩეულ გეგმასა და გადახდის პერიოდს.

AI ლიმიტი ითვლის ახალ ან მომხმარებლის მიერ ხელახლა მოთხოვნილ ანალიზებს. უკვე შენახული დოკუმენტები და ადრე შექმნილი ვადები მხოლოდ შენახვის გამო ახალ AI ანალიზად არ ითვლება.

checkout-ზე ნაჩვენები თანხა არის კონკრეტული ტრანზაქციის საბოლოო გადასახდელი თანხა და იქვე აისახება ნებისმიერი კანონით მოქმედი გადასახადი, თუ ის გამოიყენება. მომხმარებელს არ დაეკისრება checkout-ზე გაუმჟღავნებელი დამატებითი საკომისიო Kontroli-ს მიერ.

გეგმა აქტიურდება მხოლოდ მაშინ, როდესაც გადახდის პროვაიდერი წარმატებულ ტრანზაქციას სერვერულად დაგვიდასტურებს. მხოლოდ browser redirect ან success page გადახდის მტკიცებულებად არ ითვლება.

მომსახურების მიწოდება: Kontroli არის ციფრული SaaS მომსახურება და ფიზიკური პროდუქტის მიწოდება არ ხდება. წარმატებული გადახდის სერვერული დადასტურების შემდეგ შესაბამისი ფასიანი გეგმა მომხმარებლის ანგარიშზე ელექტრონულად აქტიურდება.

ამჟამად სტანდარტული გეგმა არის ერთთვიანი წინასწარი გადახდა. ავტომატური განახლება არ ჩაირთვება მომხმარებლის ცალკე, მკაფიო თანხმობის გარეშე. თუ მომავალში recurring payment ჩაირთვება, მის პირობებს checkout-ში ცალკე ვაჩვენებთ და გაუქმების მექანიზმს მივუთითებთ.

5. გაუქმება და თანხის დაბრუნება

მომხმარებელს შეუძლია აღარ შეიძინოს შემდეგი პერიოდი. მოქმედი გადახდილი პერიოდი ჩვეულებრივ გრძელდება მისი დასრულების თარიღამდე.

დაწყებული B2B სააბონენტო პერიოდის თანხა, როგორც წესი, არ ბრუნდება, გარდა დუბლირებული ან შეცდომით ჩამოჭრილი თანხისა, Kontroli-ს მხრიდან მომსახურების არსებითი და ხანგრძლივი მიუწვდომლობისა ან კანონით სავალდებულო სხვა შემთხვევისა. დაბრუნების მოთხოვნა იგზავნება kontrolige@gmail.com-ზე გადახდის იდენტიფიკატორის მითითებით.

6. მომხმარებლის დოკუმენტები და პასუხისმგებლობა

მომხმარებელი ინარჩუნებს უფლებებს მის მიერ ატვირთულ დოკუმენტებსა და შინაარსზე. Kontroli ამ შინაარსზე საკუთრების უფლებას არ იძენს.

მომხმარებელი პასუხისმგებელია, რომ მას აქვს დოკუმენტის ატვირთვის, შენახვის, AI დამუშავების, ხელმოწერისთვის გაგზავნისა და მასში არსებული პერსონალური მონაცემების დამუშავების სამართლებრივი საფუძველი. მომხმარებელმა არ უნდა ატვირთოს მონაცემები ან მასალა, რომლის დამუშავებაც უკანონოა ან სცდება შეთანხმებულ ბიზნეს მიზანს.

განსაკუთრებული კატეგორიის ან განსაკუთრებით მგრძნობიარე მონაცემები უნდა აიტვირთოს მხოლოდ მაშინ, როცა ეს ნამდვილად აუცილებელია და არსებობს შესაბამისი სამართლებრივი საფუძველი და დამატებითი დაცვის საჭიროებები შეფასებულია.

7. AI ანალიზი

AI არის დამხმარე ავტომატიზაცია და არა იურიდიული, საგადასახადო, აუდიტორული ან სხვა პროფესიული დასკვნა. Kontroli იყენებს წყაროს მტკიცებულებებს, verifier-სა და წესებით ვალიდაციას, მაგრამ 100% სიზუსტის გარანტია შეუძლებელია.

ფინანსური, საჯარიმო, შეწყვეტის, renewal-ის, რეგულაციური ან სხვა მაღალი რისკის ვადა მომხმარებელმა უნდა გადაამოწმოს პირველწყაროსთან. საეჭვო ან დაბალი confidence-ის შედეგი შეიძლება მოინიშნოს ადამიანის გადასამოწმებლად.

8. ელექტრონული ხელმოწერა

Kontroli Standard E-Sign იყენებს დაცულ ბმულს, Email OTP-ს, ხელმოწერის მოქმედებას, თანხმობის დაფიქსირებას, timestamp-ს, IP/user-agent მონაცემებს, დოკუმენტის hash-ებს და ხელმოწერის მტკიცებულების ანგარიშს.

Kontroli Standard E-Sign არ არის კვალიფიციური ელექტრონული ხელმოწერა (QES). Email OTP ადასტურებს კონკრეტულ ელფოსტაზე წვდომას და არა პირის სახელმწიფო ან ბიომეტრიულ იდენტობას. მომხმარებელი თავად აფასებს, კონკრეტული დოკუმენტისთვის საკმარისია თუ არა შეთანხმებული სტანდარტული ელექტრონული ხელმოწერა, თუ კანონით/ხელშეკრულებით QES ან სხვა ფორმაა მოთხოვნილი.

9. პერსონალური მონაცემები და DPA

როდესაც Kontroli საკუთარი ანგარიშის, ბილინგის და უსაფრთხოების მონაცემების მიზნებს თავად განსაზღვრავს, იგი მოქმედებს როგორც დამუშავებისთვის პასუხისმგებელი პირი. კლიენტის დოკუმენტებში არსებულ მონაცემებზე Kontroli, როგორც წესი, მოქმედებს კლიენტის სახელით, როგორც დამუშავებაზე უფლებამოსილი პირი.

მონაცემთა დამუშავების შეთანხმება (DPA) ამ პირობების განუყოფელი ნაწილია იმ მოცულობით, რამდენადაც Kontroli მომხმარებლის სახელით ამუშავებს პერსონალურ მონაცემებს. ქვე-დამმუშავებლები და მონაცემთა მდებარეობები გამოქვეყნებულია ცალკე გვერდზე.

10. უსაფრთხოება და ხელმისაწვდომობა

Kontroli იყენებს წვდომის კონტროლს, workspace isolation-ს, private storage-ს, encrypted transport-ს, OTP/token controls-ს, audit/evidence ჩანაწერებს და სხვა ორგანიზაციულ-ტექნიკურ ზომებს. არც ერთი ინტერნეტ მომსახურება არ არის აბსოლუტურად შეუღწევადი და აბსოლუტური უწყვეტობის გარანტია არ გაიცემა.

დაგეგმილი ან საგანგებო ტექნიკური სამუშაო შეიძლება დროებით ზღუდავდეს მომსახურებას. ჩვენ ვეცდებით გონივრულად შევამციროთ შეფერხება და მნიშვნელოვანი ინციდენტები მოვაგვაროთ პრიორიტეტულად.

11. შეწყვეტა, ექსპორტი და წაშლა

მომხმარებელს შეუძლია მოითხოვოს workspace-ის სრული ექსპორტი და, სათანადო უფლებამოსილების დადასტურების შემდეგ, წაშლა. წაშლისას პირველადი აქტიური მონაცემები იშლება ტექნიკურად შესაძლებელ გონივრულ ვადაში; backup/ლოგების შეზღუდული ნარჩენები შეიძლება შენარჩუნდეს მხოლოდ განსაზღვრული retention cycle-ის ან სამართლებრივი ვალდებულების ფარგლებში.

Kontroli შეიძლება შეაჩეროს ან შეწყვიტოს წვდომა გადაუხდელობის, უსაფრთხოების რეალური საფრთხის, აშკარა უკანონო გამოყენების ან პირობების არსებითი დარღვევისას. სადაც შესაძლებელია და უსაფრთხოებას არ აზიანებს, წინასწარ შეტყობინებას გავაგზავნით.

12. პასუხისმგებლობის ფარგლები

კანონით დაშვებულ ფარგლებში Kontroli არ არის პასუხისმგებელი მომხმარებლის მიერ AI შედეგის გადაუმოწმებლად გამოყენებით, არასწორად შეყვანილი მონაცემით, მესამე მხარის სისტემის შეფერხებით ან მომხმარებლის ანგარიშის დაუცველობით გამოწვეულ არაპირდაპირ ზიანზე. ეს პუნქტი არ ზღუდავს იმ პასუხისმგებლობას, რომლის გამორიცხვაც საქართველოს კანონით დაუშვებელია.

13. მოქმედი სამართალი და დავა

პირობებზე ვრცელდება საქართველოს სამართალი. მხარეები პირველ რიგში შეეცდებიან დავის წერილობით და კეთილსინდისიერად მოგვარებას. თუ შეთანხმება ვერ შედგა, დავა განიხილება საქართველოს კანონმდებლობით განსაზღვრული კომპეტენტური ორგანოს ან სასამართლოს მიერ.

14. ცვლილებები და კონტაქტი

პირობების არსებითი ცვლილებისას განახლდება ვერსია/თარიღი და მოქმედ მომხმარებლებს ეცნობებათ შესაბამისი არხით. შეკითხვები: kontrolige@gmail.com.